პუბლიკაციაში აღწერილი ისტორიები ნათლად აჩვენებს, როგორ ცდილობს ბიზნესი, რომ ქალებს ფინანსებსა და ჯანმრთელობის სერვისებზე ხელმისაწვდომობის, ტექნოლოგიებსა და სხვა მაღალანაზღაურებად ინდუსტრიებში ჩართულობის მეტი შესაძლებლობა ჰქონდეთ, როგორ ეხმარება ის გენდერული სტერეოტიპების მსხვრევას და დასახული მიზნების რეალობად ქცევას.

გენდერული თანასწორობის მიმართ დამოკიდებულების კვლევა საქართველოში ჩატარდა 2024 წელს, გაეროს ქალთა ორგანიზაციის დაკვეთით, პროექტის „ქალთა ლიდერობა დემოკრატიისთვის საქართველოში“ ფარგლებში, რომელიც შვეიცარიის განვითარებისა და თანამშრომლობის სააგენტოს ფინანსური მხარდაჭერით ხორციელდება.საზოგადოებრივი აზრი ქვეყნის მასშტაბით CRRC-საქართველომ გამოიკითხა.

ქალთა პოლიტიკური მონაწილეობისა და საქართველოს პოლიტიკურ, სოციალურ, ეკონომიკურ და კულტურულ ცხოვრებაში მათი ისტორიული წვლილის შესახებ ცნობიერების ასამაღლებლად, გაეროს ქალთა ორგანიზაციამ კორნელი კეკელიძის სახელობის ხელნაწერთა ეროვნულ ცენტრთან პარტნიორობით, გამოსცა პუბლიკაცია, რომელიც XII-XVIII საუკუნეებში ქართველი ქალების სამართლებრივ სტატუსსა და უფლებებს ასახავს.

საჯარო სამსახურში გენდერულად მგრძნობიარე დასაქმების პოლიტიკის გზამკვლევის მიზანია, ხელი შეუწყოს გენდერულ მეინსტრიმინგს საჯარო დაწესებულებების ადამიანური რესურსების მართვაში. აღნიშნული მოიცავს გენდერულად მგრძნობიარე დასაქმების პოლიტიკის არსის გააზრებას, ადამიანური რესურსების მართვის ორგანიზაციულ პროცესებში გენდერულად მგრძნობიარე ინდიკატორებისა და შესაბამისი ინსტრუმენტების დანერგვას.

დოკუმენტი აღწერს საქართველოში არსებულ სიტუაციას ქალთა ეკონომიკური გაძლიერების კუთხით.

წინამდებარე დოკუმენტში მოცემულია გენდერული თანასწორობის ინდიკატორების მინიმალური და გაფართოებული ნუსხა, რომელიც დაეხმარება მუნიციპალიტეტებს გენდერული თანასწორობის სამოქმედო გეგმების შემუშავებაში, მონიტორინგსა და შეფასებაში.

დოკუმენტი აღწერს საქართველში არსებულ სიტუაციას გადაწყვეტილებების მიღებაში ქალების ჩართულობასთან დაკავშირებით. ქვეყნის გენდერული თანასწორობის პროფილისა (2023) და სხვა თემატური კვლევების მონაცემების ვიზუალიზაციით, დოკუმენტი აჩვენებს, რომ ქალები ნაკლებად არიან წარმოდგენილები გადაწყვეტილების მიმღებ პოზიციებზე როგორც პარლამენტსა და აღამსრულებელ ხელისუფლებაში, ისე საჯარო სამსახურსა და ადგილობრივ თვითმმართველობებში.

პოლიტიკის დოკუმენტი მიზნად ისახავს, სახელმწიფო ინსტიტუტებსა და საკითხით დაინტერესებულ ადამიანებს შესთავაზოს ოჯახში დასაქმების ფორმალიზაციის ხედვა.

ქვეყნის გენდერული თანასწორობის პროფილზე (2023) დაყრდნობით, დოკუმენტი მოკლედ აღწერს საქართველოში ქალებისა და გოგოების მიმართ ძალადობასთან დაკავშირებულ კანონმდებლობას, მექანიზმებს და სერვისებს.

სახელმძღვანელო მიზნად ისახავს ქალთა დისკრიმინაციის ყველა ფორმის აღმოფხვრის შესახებ კონვენციის შესახებ ცნობიერების ამაღლებასა და მისი განხორციელებს ხელშეწყობას საქართველოში. სახელმძღვანელო მოიცავს კონვენციისა და მისი თანმდევი დოკუმენტების შესახებ დეტალურ ინფორმაციას, კონვენციის მიზნებს, დაცული უფლებების სფეროს მიმოხილვასა და პრაქტიკულ რჩევებს მისი ეფექტიანი გამოყენებისთვის.

კვლევა ჩატარდა 2023 წელს და მიზნად ისახავდა გენდერულ თაანსწორობაზე და ქალთა გაძლიერებაზე მომუშავე სამოქალაქო საზოგადოების ორგანიზაციების შესაძლებლობების შეფასებას, ძლიერი და სუსტი მხარეების იდენტიფიცირებასა და მტკიცებულებაზე დაფუძნებული რეკომენდაციების შემუშავებას სამოქალაქო საზოგადოების ორგანიზაციების გასაძლიერებლად, რათა ისინი მეტად იყვნენ ჩართულნი გენდერულ თანასწორობასთან დაკავშირებული გადაწყვეტილების მიღების პროცესებში.

გაეროს ქალთა ორგანიზაცია 2013 წლიდან, სოციალური მობილიზაციის დახმარებით, სოფლად მცხოვრები ქალების გაძლიერებაზე მუშაობს. მხარს უჭერს მათ, მუდმივად მონაწილეობდნენ ადგილობრივი პრიორიტეტების განსაზღვრასა და ბიუჯეტის შედგენაში.

„იძულებით გადაადგილებული ქალების აღქმებისა და დამოკიდებულებების კვლევა კონფლიქტის ტრანსფორმაციაზე, შერიგებასა და მშვიდობის მშენებლობაზე“ წარმოადგენს პირველ კვლევას, რომელიც რაოდენობრივი და თვისებრივი მეთოდის გამოყენებით დევნილი ქალების, მათ შორის, ახალგაზრდა დევნილი ქალების პერსპექტივებს შეისწავლის და საქართველოში კონფლიქტის ტრანსფორმაციის, მისი მშვიდობიანი მოგვარებისა და ნდობის აღდგენის ალტერნატიულ გზებსა და კონკრეტულ რეკომენდაციებს გვთავაზობს.

სახელმძღვანელო შეიცავს დეტალურ გზამკვლევს, კონკრეტულ რეკომენდაციებსა და სასარგებლო რესურსებს, რომლებიც დაეხმარება უმაღლეს საგანმანათლებლო დაწესებულებებსა და კვლევით ორგანიზაციებს გენდერული თანასწორობის გეგმების განვითარებაში, განხორციელებასა და მონიტორინგში.

ქვეყნის გენდერული თანასწორობის პროფილი ეროვნულ დონეზე გენდერული თანასწორობის სტატუსის ყოვლისმომცველ ანალიზს წარმოადგენს. უახლესი თვისებრივი და რაოდენობრივი ანალიზის საფუძველზე, ის საქართველოში გენდერული თანასწორობის კუთხით არსებულ პროგრესს, ტენდენციებს, გამოწვევებსა და პრიორიტეტებს აჩვენებს და მნიშვნელოვან გზამკვლევს წარმოადგენს გენდერული თანასწორობისკენ მიმართული მიზნობრივი ინტერვენციების, პოლიტიკის რეფორმირებისა და ინსტიტუციების გაძლიერებისთვის.

„საჯარო სამსახურის შესახებ“ საქართველოს კანონის გენდერული ზეგავლენის შეფასება წარმოაჩენს ქალთა ლიდერობის დამაბრკოლებელ მიზეზებსა და შედეგებს, ასევე, გვთავაზობს ქალთა ლიდერობის ხელშეწყობისა და საჯარო სამსახურში გენდერულ მეინსტრიმინგის მხარდასაჭერად საკანონმდებლო და პოლიტიკის რეკომენდაციებს.

კვლევა გაეროს ქალთა ორგანიზაციამ, საქსტატთან ერთად, ევროკავშირის მხარდაჭერით, პროექტის „ქალებისა და გოგოების მიმართ ძალადობის წინააღმდეგ საქართველოში“ ფარგლებში განახორციელა. კვლევის მხარდამჭერია გაეროს ქალთა ორგანიზაციის რეგიონული პროგრამა „ქალებისა და გოგოების ხმა მნიშვნელოვანია“.

დოკუმენტი მოკლედ აღწერს საქართველოში ქალების, მშვიდობისა და უსაფრთხოების კუთხით არსებულ მდგომარეობას და ქვეყნის გენდერული თანასწორობის პროფილისა (2023) და სხვა თემატური კვლევების მონაცემების ვიზუალიზაციით, აჩვენებს ქალების წილს უსაფრთხოების სექტორში, მათი ჩართულობის დონეს სამშვიდობო პროცესებში და დევნილი და კონფლიქტით დაზარალებული ქალების გამოწვევებს.

სახელმძღვანელო მიზნად ისახავს, საჭირო ცოდნითა და პრაქტიკული გამოცდილებით უზრუნველყოს ადამიანური რესურსების ის პროფესიონალები, რომლებიც ქალთა გაძლიერების პრინციპებზე ხელმომწერ კომპანიებში მუშაობენ, დაეხმაროს მათ, შეიმუშაონ და დანერგონ მრავალფეროვნების, თანასწორობისა და ჩართულობის პროცედურები და პრაქტიკები სამუშაო ადგილებზე.

დანაშაულების სპეციფიკიდან გამომდინარე, სასამართლო პრაქტიკის შესწავლა მოხდა გენდერულ ჭრილში. კვლევა ფართომასშტაბიანია, რადგან მასში გაანალიზებულია საქართველოს საერთო სასამართლოებიდან მოწოდებული ყველა განაჩენი/განჩინება, რომლებიც მიღებულ იქნა 2018-2022 წლებში.