ფოკუსში: 16-დღიანი კამპანია გენდერული ძალადობის წინააღმდეგ

იმ დროს, როდესაც ახალი კორონავირუსის გავრცელების შესაჩერებლად ქვეყნები მკაცრ შეზღუდვებს აწესებენ, ქალთა მიმართ ძალადობის მაჩვენებელი კიდევ უფრო იზრდება. ამავდროულად, სამართლებრივი, ჯანდაცვისა და სოციალური მხარდაჭერის სერვისები ნაკლებად ხელმისაწვდომი ხდება. სწორედ ამიტომ, გაეროს ქალთა ორგანიზაციის კამპანია "თანასწორობის თაობა" გენდერული ძალადობის წინააღმდეგ 16-დღიანი აქტივიზმის (2020 წლის 25 ნოემბერი-10 დეკემბერი) ფარგლებში, მოუწოდებს ყველას გლობალური მოქმედებებისკენ, რათა შემცირდეს ის ნაპრალები, რომლებიც დაფინანსების, COVID-19-ის კრიზისის დროს ძალადობაგამოვლილების ძირითადი სერვისებით უზრუნველყოფის, პრევენციაზე ფოკუსირებისა და მონაცემთა შეგროვების თვალსაზრისით არსებობს, რადგან ამ ყველაფერს ქალებისა და გოგოებისთვის სასიცოცხლოდ მნიშვნელოვანი სერვისების გაუმჯობესება შეუძლია. მეტი