![Community Mobilization Publication.jpg](/sites/default/files/Field%20Office%20Georgia/Images/Publications/2016/Community%20Mobilization%20Publication.jpg?t=1642408407)
არავინ დარჩეს ყურადღების მიღმა: ქართველი ქალების სოციალური მობილიზაციის გამოცდილება სათემო დონეზე
![Community Mobilization Publication.jpg](/sites/default/files/Field%20Office%20Georgia/Images/Publications/2016/Community%20Mobilization%20Publication.jpg?t=1642408407)
2010 – 2015 წლებში გაეროს ქალთა ორგანიზაცია, ნორვეგიის მთავრობის ფინანსური მხარდაჭერით, პარტნიორ ორგანიზაციებთან - ფონდ ტასოსთან და ქალთა საინფორმაციო ცენტრთან ერთად პროექტს „ქალები თანასწორობის, მშვიდობისა და განვითარებისთვის საქართველოში“ ახორციელებდა. პროექტი მიზნად დევნილი, კონფლიქტის შედეგად დაზარალებული და ეთნიკური უმცირესობის წარმომადგენელი ქალებისა და გოგოების სოციალურ მობილიზაციას ისახავდა.
პუბლიკაცია სოციალური მობილიზაციის კუთხით საქმიანობას აღწერს. მისი დახმარებით პროექტმა ქალთა ჯგუფების გააქტიურება, ქალთა უფლებების საკითხებზე მათი ინფორმირება, თვითდახმარების ჯგუფების შექმნა და გაძლიერება მოახერხა, რაც საბოლოოდ ამ თემების გაძლიერების საწინდარი გახდა. პროექტის ფარგლებში დაგროვილი და პუბლიკაციაში გაზიარებული პრაქტიკა მნიშვნელოვანი რესურსია იმ ორგანიზაციებისთვის, რომლებიც ცდილობენ, „არავინ დარჩეს ყურადღების მიღმა“ და მიღწეული იყოს 2030 წლისთვის დასახული მდგრადი განვითარების მიზნები.