მნიშვნელოვანი ამბები
საქართველოში ყოველ მე-2 ქალს ცხოვრების განმავლობაში ძალადობის ერთი ფორმა მაინც გამოუცდია, ყოველ მე-4 ქალს კი სექსუალური შევიწროების გამოცდილება აქვს. ქალთა მიმართ ძალადობის ეროვნულმა კვლევამ, რომელიც გაეროს ქალთა ორგანიზაციამ და საქართველოს სტატისტიკის ეროვნულმა სამსახურმა ევროკავშირის მხარდაჭერით წარადგინეს, ფსიქოლოგიური, ფიზიკური, სექსუალური და ეკონომიკური ძალადობის ფორმების გავრცელების მასშტაბი, ასევე, ადევნების, ბავშვობაში განცდილი ძალადობისა და სექსუალური შევიწროების ფაქტები შეისწავლა.
შემოუერთდი გაეროს ქალთა ორგანიზაციის თანასწორობის თაობის კამპანიას, რომელიც ხელს უწყობს პეკინის დეკლარაციისა და მოქმედებათა პლატფორმის 25-ე წლისთავისთვის გენდერული თანასწორობის დაჩქარებას. ეს დეკლარაცია და მოქმედებათა პლატფორმა ქალთა უფლებებისა და შესაძლებლობების გაფართოების ყველაზე პერსპექტიულ, ყოვლისმომცველ დღის წესრიგს წარმოადგენს. კამპანია მოითხოვს თანაბარ ანაზღაურებას, აუნაზღაურებელი ზრუნვისა და საოჯახო საქმეების გადანაწილებას, ქალებისა და გოგოების მიმართ ყველა ფორმის ძალადობის აღმოფხვრას,...
გლობალური მასშტაბით, ყოველი მესამე ქალი ფიზიკურ ან სექსუალურ ძალადობას ძირითადად ინტიმური პარტნიორის მხრიდან განიცდის. ოჯახში ძალადობა ზოგჯერ დაფარულია, თუმცა თუ ძალადობრივი ურთიერთობის ნიშნები გვეცოდინება, მაშინ მის ამოცნობასა და შესაბამის დახმარებასაც უკეთესად შევძლებთ.
უახლესი ამბები
რჩეული პუბლიკაცია
რჩეული ვიდეო
ვიდეორგოლი მთლიანად რეალურ ისტორიებზე დაყრდნობით შეიქმნა. მასში მონაწილე ადამიანები კითხულობდნენ ნამდვილ ამბებს, რომლებიც საქართველოში სექსუალური ძალადობის მსხვერპლ ქალებს სხვადასხვა ადგილას გადახდათ და გაეროს ქალთა ორგანიზაციამ სპეციალურად კამპანიისთვის მოიძია.